అక్టోబర్‌లో ఛార్మింగ్ గర్ల్ ఛార్మి కొత్త చిత్రం ప్రారంభం!

గురుదేవ క్రియేషన్స్ ప్రైవేట్ లిమిటెడ్ పతాకంపై ఛార్మింగ్ గర్ల్ ఛార్మి నటించే కొత్త చిత్రం వచ్చే నెలలో మొదలు కాబోతోంది. ఈ చిత్రాన్ని రియల్ ఎస్టేట్ వ్యాపారి నంది శ్రీహరి నిర్మిస్తున్నారు.

టేకుల ముక్తిరాజ్ కో ప్రొడ్యూసర్, పరుచూరి బ్రదర్స్ శిష్యుడు ప్రేమ్‌రాజ్ ఈ చిత్రానికి దర్శకుడు. వర్తమాన రాజకీయాలు, సామాజికాంశాల మేళవింపుగా తయారయ్యే ఈ చిత్రం ఛార్మికి కొత్తగా ఉంటుందని ప్రేమ్‌రాజ్ తెలిపారు.

ప్రేమించుకుందాం రా, కలిసుందాం రా చిత్రాలకు కథను అదించిన దీన్‌రాజ్ ఈ చిత్రానికి నవ్యతతో కూడిన కథను అందించారు. పరుచూరి బ్రదర్స్ చక్కటి సంభాషణలు రాస్తున్నారు. కృష్ణాజీ సంగీత దర్శకత్వంలో ఇప్పటికే మూడు పాటల రికార్డింగ్ పూర్తయ్యాయి.

ఈ చిత్రంలో మహాదేవన్, హరిహరన్, బాలు, గోరటి వెంకన్న పాటలు హైలైట్‌గా నిలుస్తాయని ప్రేమ్‌రాజ్ అన్నారు. అక్టోబర్‌లో ప్రారంభమయ్యే ఈ చిత్రంలో నటీనటులు, సాంకేతిక సిబ్బంది వివరాలు త్వరలో ప్రకటిస్తామని చెప్పారు.

Posted in: