యూరప్‌లో హాట్‌హాట్‌గా "మిరపకాయ్" పాటలు

క్రేజీస్టార్ రవితేజ హీరోగా రిచా గంగోపాధ్యాయ, దీక్ష హీరోయిన్లుగా ఎల్లో ఫ్లవర్స్ బ్యానర్‌పై హరీశ్ శంకర్ ఎస్ దర్శకత్వంలో అభిరుచి గల నిర్మాత రమేష్ పుప్పాల నిర్మిస్తున్న మిరపకాయ్ చిత్రం శరవేగంగా షూటింగ్ జరుపుకుంటోంది. 

ఈ చిత్రం ప్రోగ్రెస్ గురించి నిర్మాత రమేష్ చెపుతూ... బ్యాంకాక్‌లో 12 రోజులపాటు భారీ ఎత్తు చిత్రీకరించిన క్లైమాక్స్ ఎక్స్‌టార్డినరీగా వచ్చింది. ఈ నెల 3 నుండి 14 రోజులపాటు యూరప్‌లో మూడు పాటలను, జర్మనీ, ఆస్ట్రియా, చెక్‌రిపబ్లిక్ దేశాల్లో చిత్రీకరిస్తాం. 

రెండు పాటలు రవితేజ, రిచాలపైనా ఓ పాటను రవితేజ, దీక్షలపై రాజు సుందరం నృత్య దర్శకత్వంలో చిత్రీకరించడంతో షూటింగ్ పూర్తవుతుంది. రవితేజ బాడీ లాంగ్వేజికి తగ్గట్లుగా అందరినీ ఎంటర్‌టైన్ చేసే మాస్ క్యారెక్టర్ అద్భుతంగా పోషిస్తున్నారు. అన్ని వర్గాలవారిని అలపించే విధంగా హరీశ్ శంకర్ ఈ చిత్రాన్ని రూపొందిస్తున్నారు. డిసెంబరు చివరి వారంలో చిత్రాన్ని విడుదల చేయడానికి ప్లాన్ చేస్తున్నామన్నారు. 

ఇంకా ఈ చిత్రంలో ప్రకాష్ రాజ్, కోట, సునీల్, నాగబాబు తదితరులు నటిస్తున్నారు. ఈ చిత్రానికి పాటలు: సిరివెన్నెల, సంగీతం: థమన్, నిర్మాత: రమేష్, కథ-మాటలు-దర్శకత్వం: హీరశ్ శంకర్

Posted in: