ప్రభుదేవా-నయనతార కాంబినేషన్‌లో "యమకంత్రి"

విజయ్ - నయనతార జంటగా ప్రభుదేవా దర్శకత్వంలో రూపొందుతున్న చిత్రం "యమకంత్రి". జి.డి.ఆర్ మీడియా లిమిటెడ్ సమర్పణలో జె.పి.ఫిలిమ్స్ పతాకంపై జి. ఉషారాణి ఈ చిత్రాన్ని నిర్మిస్తున్నారు. 

ప్రకాష్‌రాజ్, వడివేలు, ఖుష్భూ, రంజిత, జ్యోతి( పెళ్లాం ఊరెళితే ఫేమ్), గీత, ముమైత్ ఖాన్ ముఖ్య తారాగణంగా రూపొందిన ఈ చిత్రానికి దేవీశ్రీప్రసాద్ సంగీత దర్శకుడు. చంద్రబోస్, భువనచంద్ర, సాహితి సాహిత్యాన్నందిస్తుండగా, శశాంక్ వెన్నెలకంటి సంభాషణలు సమకూర్చుతున్నారు. 

ప్రస్తుతం డబ్బింగ్ కార్యక్రమాలు జరుపుకుంటున్న ఈ చిత్రం ఆడియోను త్వరలో విడుదల చేసేందుకు సన్నాహాలు చేస్తున్నారు. ప్రభుదేవా దర్శకత్వం, విజయ్ అభినయం, నయనతార అందాలు, దేవీశ్రీప్రసాద్ సంగీతం యమకంత్రి చిత్రానికి ప్రధాన ఆకర్షణలని నిర్మాత జి. ఉషారాణి ఆశాభావాన్ని వ్యక్తం చేస్తున్నారు

Posted in: