రుణ రక్కసి దాహానికి మరొకరు బలి

వరంగల్: రుణ రక్కసి దాహానికి మరో వ్యక్తి బలైయ్యాడు. వడ్డీ వ్యాపారి వేధింపులు తాళలేక వరంగల్ జిల్లా నర్సంపేట మండలం మహేశ్వరంలో రాజకుమార్ అనే వ్యక్తి మంగళవారం ప్రాణాలు తీసుకున్నాడు.

Read More

495 పరుగులకు భారత్ ఆలౌట్

బెంగళూరు: ఆస్ట్రేలియాతో ఇక్కడ జరుగుతున్న టెస్ట్ మ్యాచ్'లో భారత జట్టు 144.5 ఓవర్లకు 495 పరుగులు చేసి ఆలౌట్ అయింది. దీంతో తొలిఇన్నింగ్స్'లో భారత్ 17 పరుగుల ఆధిక్యతలో ఉంది. సచిన్ డబుల్ సెంచరీ, విజయ్ సెంచరీ చేసి వీరిద్దరే 453 పరుగులు చేయడం వల్ల ఇంత స్కోర్ చేయలిగారు.

మాస్టర్స్ బ్యాట్స్'మేన్ సచిన్ టెండూల్కర్ 214 పరుగులు, మురళీ విజయ్ 139, రైనా 32, సెహ్వాగ్ 30 పరుగులు, పుజారా 4, ఎంఎస్ ధోనీ 30 పరుగులు, హర్పజన్ సింగ్ నాలుగు, ద్రావిడ్, జడ్ ఖాన్ ఒక్కో పరుగు చేసి అవుటయ్యారు. శ్రీశాంత్ ఒక్క పరుగు కూడా చేయకుండా అవుటయ్యాడు.

జాన్సన్ మూడు వికెట్లు, జార్జి, హారిజ్ రెండేసి వికెట్లు, హిల్'ఫెన్హాస్, ఎంజె క్లార్క్, వాట్స్'న్ ఒక్కో వికెట్ తీసుకున్నారు.

Read More

భారత్'కు 31 బంగారు పతకాలు

న్యూఢిల్లీ: కామన్వెల్త్ క్రీడల పోటీలలో భారత్'కు 31 బంగారు పతకాలు లభించాయి. మన దేశానికి 31 స్వర్ణ పతకాలు రావడం ఇదే మొదటిసారి. 2002 రికార్డుని భారత్ అధిగమించింది. 2002లో మాంచస్టర్'లో జరిగిన పోటీలలో భారత్ క్రీడాకారులు 30 బంగారు పతకాలను గెలుచుకున్నారు.

Read More

'మైక్రో' ఆగడాలకు త్వరలో అడ్డుకట్ట: మంత్రి వట్టి

న్యూఢిల్లీ: సూక్ష రుణ సంస్థల ఆగడాలను అడ్డుకోవడానికి త్వరలో ఒక చట్టం చేయనున్నట్లు మంత్రి వట్టి వసంత కుమార్ చెప్పారు. ఈ రోజు ఇక్కడ జరిగిన విలేకరుల సమావేశంలో మైక్రోఫైనాన్స్ మరణాలపై మంత్రి స్పందించారు. ఈ సంస్థలు వసూలు చేసే వడ్డీని తగ్గించే అధికారం తమకు లేదని చెప్పారు. నిపుణులతో చర్చిస్తున్నామని, వీలైనంత తొందరలో ఆర్డినెన్స్'ని తీసుకువస్తామని మంత్రి చెప్పారు. ప్రజలను హంసించే వారిపై కేసులు నమోదు చేయమని పోలీసులను ఆదేశించినట్లు చెప్పారు.
క్రిమినల్ కేసులు నమోదు చేస్తున్నట్లు మంత్రి తెలిపారు.

Read More

వారిని నేనంత సులభంగా వదిలిపెట్టను: యడ్యూరప్ప

తన ప్రభుత్వాన్ని కూలకొట్టడానికి ప్రయత్మించిన అసమ్మతి ఎమ్మెల్యేలను అంత సులభంగా వదిలిపెట్టనని కర్ణాటక ముఖ్యమంత్రి బి.ఎస్. యడ్యూరప్ప అన్నారు. ప్రతిపక్ష జనతాదళ్ (సెక్యులర్), కాంగ్రెస్ ఎమ్మెల్యేలు తన ప్రభుత్వాన్ని పడగొట్టడానికి ప్రయత్నించారని యడ్యూరప్ప ఆరోపించారు. 

సోమవారం మూజువాణి ఓటుతో శాసనసభ విశ్వాసం పొందిన తర్వాత యడ్యూరప్ప విలేకరులతో మాట్లాడారు. ఎమ్మెల్యేలకు ఎర వేయడానికి ఉపయోగించిన 'ధన బలం’పై సమగ్ర విచారణ జరిపిస్తానని ప్రకటించారు. అసమ్మతి ఎమ్మెల్యేలకు రూ. 20 కోట్ల నుంచి 25 కోట్ల వరకు చెల్లించారని ఆయన ఆరోపించారు. దీనిని బహిర్గతం చేయడానికి సమగ్ర విచారణకు ఆదేశిస్తానన్నారు. 

డబ్బులు గుంజుకుని ప్రభుత్వానికి కూలగొట్టడానికి ప్రయత్మించిన వారిని అంత సులభంగా వదిలిపెట్టనని, ఆ డబ్బు ఎక్కడి నుంచి వచ్చింది, ఒక్కో ఎమ్మెల్యేకు ఎంతిచ్చారు అనేది నాకు తెలుసు’ అని యడ్యూరప్ప వ్యాఖ్యానించారు. 

ప్రజాస్వామ్యబద్దంగా ఎన్నికైన ప్రభుత్వాన్ని కూలదోయడానికి ప్రయత్నించడం ద్వారా జెడిఎస్, కాంగ్రెస్ ఎమ్మెల్యేలు ప్రజాస్వామ్యాన్ని పెకిలించడానికి ప్రయత్నిస్తున్నారని యెడ్యూరప్ప ఆరోపించారు. వారు శాసనసభలో వ్యవహరించిన తీరు సిగ్గుచేటని ధ్వజమెత్తారు.

మరోవైపు బీజేపీ ప్రభుత్వం కర్ణాటక శాసనసభ విశ్వాసం పొందిన తీరు రాజ్యాంగ వ్యతిరేకమని, అప్రజాస్వామికమని సీపీఎం పొలిట్ బ్యూరో సోమవారం ఒక ప్రకటనలో విమర్శించింది. ఈ విషయంలో బిజెపి అనుసరించిన తీరును సీపీఎం ఖండించింది.

Read More

అధిష్టానం గీసిన లక్ష్మణ రేఖను దాటితే అంతే సంగతులు

అధిష్టానం గీసిన లక్ష్మణ రేఖను దాటితే అంతే సంగతులని పీసీసీ అధ్యక్షుడు డి. శ్రీనివాస్ స్పష్టం చేశారు. పార్టీలో క్రమశిక్షణ కోసం అధిష్టానం విధించిన నియమావళిని ఉల్లంఘిస్తే చర్యలు తప్పవని డీఎస్ హెచ్చరించారు.

పార్టీ నాయకులపై ఫిర్యాదులు అందిన తర్వాత వారికి షోకాజ్ నోటీసులు జారీ చేసేముందు లేదా వారిపై చర్య తీసుకోవడానికి ముందు లోతుగా విచారణ జరిపించిన తర్వాతే నిర్ణయం తీసుకుంటామని డీఎస్ అన్నారు.

ఓదార్పు యాత్రలో పాల్గొనే వారిపైనే చర్యలు తీసుకుంటున్నామన్నది సరికాదని డీఎస్ తెలిపారు. కడప ఎంపీ వై.ఎస్. జగన్ ఓదార్పులో లేనివారికీ నోటీసులు జారీ చేశామన్నారు. పార్టీ నాయకులపై చర్యలు తీసుకోవడం తనకు ఇష్టం లేకపోయినా, పార్టీ క్రమశిక్షణ విషయంలో రాజీ పడేది లేదని డీఎస్ వివరించారు.

Read More

జగన్‌ను పట్టించుకోవద్దు: సీఎంకు మేడమ్ సూచన..!?

అధిష్టానం మాటవినకుండా తన దారి రహదారి అన్నట్లు వ్యవహరిస్తున్న కడప ఎంపీ వై.ఎస్. జగన్మోహన రెడ్డిని పట్టించుకోవద్దని యూపీఏ ఛైర్ పర్సన్ సోనియా గాంధీ.. రాష్ట్ర ముఖ్యమంత్రి కె. రోశయ్యకు సూచించినట్లు తెలిసింది. అలాగే జగన్ ఓదార్పు యాత్ర గురించి సోనియా గాంధీ అంతగా పట్టించుకోవద్దని సూచించినట్లు సమాచారం.

సోమవారం రాష్ట్ర ముఖ్యమంత్రి కె. రోశయ్య సోనియాతో జరిగిన సమావేశంలో జగన్ ఓదార్పు యాత్ర విషయంపై చర్చించినట్లు తెలుస్తోంది. అయితే మేడమ్ మాత్రం ఆ చిన్నపిల్లోడిని అంతగా పట్టించుకోవద్దయ్యా! అన్నట్లు తెలిసింది. అయితే జగన్‌ అనుకూలంగా ఉన్న మంత్రులపై మాత్రం తగిన చర్యలు తీసుకోవాలని సీఎంతో సోనియా గాంధీ చెప్పారు.

ఈ క్రమంలో బాలినేని శ్రీనివాస రెడ్డి, పిల్లి సుభాష్ చంద్రబోస్‌లకు మాత్రం మంత్రివర్గం నుంచి ఉద్వాసన పలకాలనే ఆలోచనలో ఉన్నట్లు సమాచారం. అలాగే రాష్ట్ర పరిస్థితులను చక్కదిద్దే బాధ్యతను స్వయంగా అధిష్టానం తన మీద వేసుకున్నట్లు తెలిసింది. ఇందులో భాగంగా రాష్ట్ర వ్యవహారాలపై సోనియా గాంధీ పూర్తిగా గవర్నర్ నరసింహన్ మీద ఆధారపడినట్లు తెలుస్తోంది.

Read More

బెంగళూరు టెస్టు: సచిన్‌ ఖాతాలో ఆరో డబుల్ సెంచరీ!

అంతర్జాతీయ క్రికెట్ కెరీర్‌లో 20 ఏళ్ల ప్రస్థానాన్ని కొనసాగిస్తున్న మాస్టర్ బ్లాస్టర్ సచిన్ టెండూల్కర్ అరుదైన రికార్డును సృష్టించాడు. బెంగళూరులో ఆసీస్‌తో జరుగుతున్న రెండో టెస్టులో సచిన్ టెండూల్కర్ డబుల్ సెంచరీ సాధించాడు. ఫలితంగా మాస్టర్ అంతర్జాతీయ టెస్టు కెరీర్‌లో ఆరో డబుల్ సెంచరీ సాధించినట్లైంది. 
ఇంకా ఆస్ట్రేలియాపై మాస్టర్‌కు ఇది రెండో డబుల్ సెంచరీ కావడం విశేషం. రెండో టెస్టు నాలుగో రోజైన మంగళవారం సచిన్ టెండూల్కర్ 337 బంతుల్లో 200 పరుగులు సాధించాడు. దీంతో ఇదే ఏడాది మాస్టర్ రెండో డబుల్ శతకాన్ని తన ఖాతాలో వేసుకున్నాడు. 
కాగా, 435/5 స్కోరుతో నాలుగో రోజు ఆటను ప్రారంభించిన భారత్ బుల్లోడి సెంచరీతో 470 పరుగుల భారీ స్కోరును నమోదు చేసుకుంది. ప్రస్తుతం సచిన్ టెండూల్కర్ 207 (347 బంతుల్లో 22 ఫోర్లు 2 సిక్సర్లు), మహేంద్ర సింగ్ ధోనీ (21)లు క్రీజులో ఉన్నారు. దీంతో భారత్ 130.4 ఓవర్లలో 5 వికెట్ల పతనానికి 470 పరుగుల భారీ స్కోరును నమోదు చేసుకుంది.

Read More

ఆదాయపన్ను చెల్లింపులో ఇతర నేతలను మించిన జగన్!

రాష్ట్ర రాజకీయ నేతలను కడప ఎంపీ వైఎస్.జగన్మోహన్ రెడ్డి అధికమించి పోయారు. ఇప్పటికే ఓదార్పు యాత్రలో మంచి ప్రజాధారణ కలిగిన నేతగా పేరు సంపాదించుకున్న జగన్ తాజాగా మరో రికార్డును సొంతం చేసుకున్నారు. ఆదాయపన్ను చెల్లింపులో రాష్ట్ర రాజకీయ నేతలందరినీ అధికమించిపోయారు. గత ఆర్థిక సంవత్సరంలో 84 కోట్ల రూపాయలను ఆదాయపన్ను రూపంలో చెల్లించారు. ఈ మొత్తం అంతకుముందు సంవత్సరం చెల్లించిన మొత్తం కంటే 12.53 రెట్లు అధికం కావడం గమనార్హం.


ప్రధానంగా ఇనుప ఖనిజ వ్యాపార రారాజులుగా వెలుగొందుతున్న కర్ణాటక మంత్రులు గాలి బ్రదర్స్ కంటే జగన్ మొదటి స్థానాన్ని ఆక్రమించుకోవడం విశేషం. ముఖ్యమంత్రి పగ్గాలను రోశయ్య చేపట్టిన తర్వాత జగన్ ఆస్తులు పెరిగాయా అనే సందేహం కలిగించే రీతిలో పన్ను చెల్లించడం గమనార్హం. 2008-09 సంవత్సరంలో ముఖ్యమంత్రిగా వైఎస్.రాజశేఖర్ రెడ్డి ఉన్నారు.


ఆసమయంలో కేవలం 6.7 కోట్ల రూపాయలను మాత్రమే పన్ను చెల్లించిన జగన్.. 2009-10 సంవత్సరంలో ఏకంగా 87 కోట్ల రూపాయలను చెల్లించడంలో ఆంతర్యమేమిటని పలువురు ప్రశ్నిస్తున్నారు. ఇక్కడ ప్రధానంగా చెప్పుకోదగ్గ అంశమేమిటంటే.. జగన్‌కు అత్యంత సన్నిహితుడైన గాలి జనార్ధన్ రెడ్డి తన భార్య మీద చేస్తున్న మైన్స్ వ్యాపారానికి గాను కేవలం ఏడు కోట్ల రూపాయలు మాత్రమే పన్నుచెల్లిస్తున్నారు.

Read More

నా అభిమానుల మనోభావాలను గౌరవిస్తా: చిరంజీవి

ప్రజారాజ్యం పార్టీ అధ్యక్షునిగా తాను సమైక్యవాదినని చిరంజీవి ప్రకటించారు. అయితే అభిమానుల ఆకాంక్షలకు తాను అడ్డంకి కాబోనని చెప్పారు. దీనిని బట్టి తెలంగాణా ప్రాంత చిరు ఫ్యాన్స్ తెలంగాణా అంటే దానికి తాను అడ్డు చెప్పబోననే సంకేతాన్ని చిరు పంపించారు. 

ఇక తెలంగాణా ప్రజాఫ్రంట్ గద్దర్ తనకు మంచి మిత్రుడని చెప్పారు. ఆయన తన లక్ష్య సాధనకోసం ఫ్రంట్‌ను ఏర్పాటు చేసి ప్రయత్నం చేస్తున్నారనీ, ఎవరి లక్ష్యాలు వారికి ఉంటాయని అన్నారు. 

నంది అవార్డుల విమర్శలపై స్పందించమని అడిగినప్పుడు... తాను ఎన్నో రికార్డులను అధిగమించాననీ, అదేవిధంగా తన కుమారుడు రామ్ చరణ్ తన రెండో చిత్రంతోనే టాలీవుడ్ సినీ పరిశ్రమలో ఓ సంచలనాన్ని సృష్టించాడనీ, అయితే నంది అవార్డులు రాలేదనీ... దానికీ దీనికీ లింకు పెట్టి మాట్లాడటం అసంమజసమన్నారు. ఇవన్నీ చిన్నచిన్న విషయాలంటూ కొట్టి పారేశారు.

Read More

NAG RAGADA @SAKSHI

Read More

అసలు నాకు తెలుగు తెలీదు.. చదవడమే రాదు: మహేష్

ఖలేజా చిత్రం విడుదల ముందు వరకూ మీడియాకు దూరంగా ఉన్న మహేష్ బాబు, దర్శకుడు త్రివిక్రమ్ తాజాగా ముందుకు వచ్చారు. దీన్నిబట్టి సినిమా ఎలా ఉందో ఊహించుకోవచ్చనే సంకేతాలు ఇచ్చినట్లయింది. 

కథ ఎలా ఎంపిక చేసుకున్నారు... 
త్రివిక్రమ్ రెండేళ్లు అతను చెప్పిన కథపై హార్డ్ వర్క్ చేశాం. మా అబ్బాయి గౌతమ్‌తో జూబ్లిహిల్స్ క్లబ్‌కు ఆడుకోవడానికి వెళితే ఆ సమయంలో వచ్చేవాడు త్రివిక్రమ్. ఆ తర్వాత ఆయన నాతో ఆడుకునేవాడు. రెండు గంటలు కథ గురించి చర్చించేవాడు. 

ఈ సినిమాలో ఎక్కువగా మాట్లాడారు... కారమణం..? 
సహజంగా పాత్రను బట్టే ఉంటుంది. ఈ పాత్ర నన్ను ఓపెన్ చేసింది. పాత్ర వేరియేషన్స్ బాగున్నాయి. అందుకే మాట్లాడగలిగాను. 

ఇంట్రడక్షన్‌లో మంచినీళ్లకోసం కాస్త వయొలెన్స్ ఎక్కువైందనే కామెంట్ ఉంది..? 
మీరు జాగ్రత్తగా చూస్తే రక్తం ఎక్కడా కన్పించదు. చక్కని ఫీల్‌గుడ్‌లా ఉండాలని చేశాం. బ్యాక్ గ్రౌండ్ స్కోర్ బాగా వచ్చింది. నిజంగా అక్కడ ఎండాకాలంలో షూటింగ్ చేశాం. ఆ టైమ్‌లో నా ఫేస్ అంతా మారిపోయింది. ముఖంపై చర్మపు పెచ్చులు ఊడిపోయాయి. దాంతో నీళ్లకోసం పోరాటం చేయాల్సి వచ్చింది. 

ప్రేక్షకుడిలా ఎలా ఫీలవుతున్నారు..? 
అందరూ బెస్ట్ పెర్‌ఫార్మెన్స్ అంటున్నారు. త్రివిక్రమ్ ఉండబట్టే చేయగలిగాను. దర్శకుడు మాటలు రచయిత కనుక చక్కగా రాశారు. 

ప్రకాష్ రాజ్, షఫీ పాత్రల్లో ఎవరిగి బాగుందని మీ అభిప్రాయం..? 
ఇద్దరూ ఇద్దరే. షఫీ ఎక్స్‌ట్రార్డినరీ పెర్ ఫార్మెన్స్. ఆయనకు షూటింగ్ లేకపోయినా దర్శకుడిని కలిసేవాడు. కోడైరెక్టర్‌గా కూడా చేసేవాడు. ఏంటీ ఈయన చేస్తుంది అని దర్శకుడిని అడిగాను. ఆయన ఇంట్రెస్ట్ గురించి దర్శకుడు చెప్పాడు. షఫీ గ్రేట్ ఆర్టిస్ట్. మరోవైపు ప్రకాష్‌రాజ్ గురించి తెలిసిందే. ఆయనను చివరి సన్నివేశంలో నేను కలుస్తాను. ఆయనతో చేయాలంటే టెన్షన్ పడ్డాను. చేయి తెగిపోతుంది. ఆ టైంలో ఆయన పెర్‌ఫార్మెన్స్ నాకు టెన్షన్‌కు గురి చేసింది. ఆ పాత్ర గురించి ఫోన్‌లో కూడా రాత్రిళ్లు దర్శకుడితో చర్చించేవాడిని. నా క్యారెక్టర్ పండటానికి ఆ పాత్ర ముఖ్యం.

మీ కాస్టూమ్స్ నమ్రతా చూశారా..? 
త్రివిక్రమ్ శ్రీనివాస్ కాస్టూమ్స్‌ను ముంబై నుంచి తెప్పిద్దామని అన్నారు. నాకు అక్కడి డిజైనర్లు తెలీదు. నమ్రత ద్వారా తెప్పించాం. అలా ఆమె ఇన్‌వాల్వ్ అయింది. 

అనుష్కను ఏడిపించడంలో ఎలా ఫీలయ్యారు...? 
అనుష్క గ్రేట్ నటి. పెద్ద హీరోయిన్ అనే ఫీలింగ్ లేకుండా నటించింది. అలీ, సునీల్ కాంబినేషన్‌లో ఆమెను ఏడిపించినా ఇన్వాల్వ్‌మెంట్‌తో చేసుకుపోయింది. 

ప్రతి సినిమాకు మూడు అక్షరాల పేర్లు. "దూకుడు" కూడా అలాగే పెట్టారు. కారణం..? 
సినిమా సినిమాకు సంబంధం లేదు. అంకెలను ఫాలో కాను. అసలు నాకు తెలుగు తెలీదు. చదవడమే రాదు. పేర్లు అలా కుదిరాయి. సినిమాలపరంగా సెంటిమెంట్లు లేవు.

Read More